Գերմանիան կաջակցի Ռուսաստանի դեմ Եվրոպական միության կողմից սահմանված պատժամիջոցների երկարաձգմանը՝ կապված Ուկրաինայի տարածքային ամբողջականության եւ ինքնիշխանության հետ։ Այս մասին հայտարարել է ԳԴՀ կանցլեր Անգելա Մերկելը՝ Կիեւում Ուկրաինայի նախագահ Պյոտր Պորոշենկոյի հետ համատեղ մամուլի ասուլիսում՝ տեղեկացնում է DW-ն։
Մերկելը նաեւ նշել է, որ Դոնբասում ճգնաժամի կարգավորման առաջընթացի դեպքում Մոսկվայի հանդեպ պատժամիջոցները կարող են մեղմացվել։
Կանցլերը «սթափեցուցիչ» է անվանել Մինսկի պայմանավորվածությունների իրավիճակը՝ նշելով, որ հրադադարի ռեժիմը բազմիցս խախտվել է։ Ուկրաինայի արեւելքում նախկինի պես «զոհվում են զինվորականները»՝ ընդգծել է Մերկելը։