Դատական դեպարտամենտի ղեկավար Կարեն Փոլադյանն այսօր՝ նոյեմբերի 3–ին, հրաժարվեց մեկնաբանել մամուլի լուրերը, թե դատավորները հրաժարվել են քննել ՔԿ նախագահի նախկին տեղակալ Վահագն Հարությունյանի կալանքի միջնորդությունը։
«Տեղեկացված եմ այնքանով, որքանով հետեւում եմ լուրերին։ Ես տեղեկություն չունեմ, թե կա դատական ակտ կայացրած միջնորդության վերաբերյալ, թե ոչ։ Գործում է ինքնաբացարկի ինստիտուտը, եւ դատավորը կարող է օգտվել իրավունքից»,– խորհրդարանում լրագրողների հետ զրույցում ասաց նա։
Հարցին՝ ի վերջո կալանքի միջնորդությունը քննելու գործով դատավոր փոխվել է, Կարեն Փոլադյանը պատասխանեց. «Ըստ լուրերի... իմ ունեցած տեղեկություններով դատավոր փոխվել է»։
Հիշեցնենք, որ նախօրեին Երեւան քաղաքի ընդհանուր իրավասության դատարանը որոշել է բավարարել ՀՔԾ քննիչի միջնորդությունն ու երկու ամսով Վահագն Հարությունյանին կալանավորելու որոշում է կայացրել։ Հարությունյանն այժմ գտնվում է հետախուզման մեջ։