20th Century Fox-ի եւ Google Cloud-ի մասնագետներն օգտագործում են հատուկ ծրագիր, որը կարող է վերլուծել ֆիլմի թրեյլերը եւ կանխատեսել հանդիսատեսին՝ տեղեկացնում է Hightech-ը։

Merlin ծրագիրը կարող է կադրերում ճանաչել օբյեկտները, սյուժեների շաբլոնները եւ հասկանալ, թե որ ժանրին է պատկանում ֆիլմը։

Օրինակ, Merlin-ի համար կերպարի երկար խոշոր պլանը նշանակում է դրամատիկ ֆիլմ, իսկ տեսանյութի հատվածը՝ կադրերի հաճախ եւ արագ փոփոխությամբ, մարտաֆիլմ։

Դրանից հետո Merlin-ն օգտագործում է ֆիլմերի դասակարգման իր մեթոդը եւ հանդիսատեսի նախասիրությունների նախորդ տարիների տվյալները, որպեսզի կանխատեսի՝ կգնեն նրանք արդյոք հաջորդ մարտաֆիլմի տոմս։ Այս համակարգը գործում է 2017 թվականից։ 20th Century Fox-ը օգտագործում է Merlin-ի կանխատեսումները, որպեսզի որոշի ինչ ֆիլմեր արտադրել եւ ինչպես արդյունավետ դրանք վաճառել։

Այլ կինոարտադրողները եւս ծրագրում են ալգորիթմների օգնությանը դիմել, սակայն կինոքննադատները թերահավատությամբ են վերաբերում այդ համակարգերին՝ նշելով, որ մեքենան չի կարող ֆիլմի հաջողության առավել խորը գործոնները որոշել, ասենք, հերոսի հմայքը կամ հաջողված կատակը։