Մինեսոթա եւ Միչիգան նահանգներից երկու մուսուլման կանայք առաջին անգամ ընտրվել են ԱՄՆ Կոնգրեսում, հաղորդում է «ՌԻԱ Նովոստին»՝ վկայակոչելով Huffpost-ին:
Իլհեն Օմարը Մինեսոթայից սոմալիական ծագումով ամերիկացի քաղաքական գործիչ է: Ավելի վաղ նա հաղթել է փրայմերիզում նահանգի շրջաններից մեկում: Սոմալիում արյունահեղ քաղաքացիական պատերազմից հետո նա ընտանիքի հետ փախել է երկրից: Մինչ ԱՄՆ մեկնելը նրանք 4 տարի ապրում էին Քենիայում՝ փախստականների ճամբարում: Նրա կյանքի պատմությունը եւ հայտնիությունը հատկապես ուշադրություն են գրավում Թրամփի կողմից իրականացվող միգրացիոն քաղաքականության ֆոնին: Այսպես, եթե Օմարը ցանկանար այսօր ԱՄՆ-ում փախստականի կարգավիճակ ստանար, ապա չէր կարողանա. Սոմալին այն երկրներից մեկն է, որը ԱՄՆ-ում կոշտ ներգաղթային սահմանափակումների հետ է բախվում:
Դեթրոյթից դեմոկրատ Ռաշիդ Տլաիբը մրցակից չուներ: Նրա ծնողները Պաղեստինից են գաղթել: Տլաիբը հաղթել է քվերակության իրավունք ունեցող փոքրաթիվ մուսուլման բնակչությամբ շրջաններում փրայմերիզի ժամանակ:
