Հարավային Կորեայի Արդարության կուսակցության առաջնորդ Լի Չժոն Մին խորհրդարանին առաջարկել է բանաձեւ ընդունել ԿԺԴՀ հանդեպ միջազգային պատժամիջոցների չեղարկման պահանջով՝ Փհենյանի հետ երկխոսություն պահպանելու համար: Այս մասին Սեուլում իր օգնականների հետ հանդիպման ժամանակ ասել է նա, հայտնում է ՏԱՍՍ-ը:
«Եթե Ազգային ժողովը (խորհրդարանը) նման բանաձեւ ընդունի, ապա դա հնարավորություն կտա զգալիորեն արագացնել դեպի խաղաղության եւ ապամիջուկայնացման ճանապարհը», - ընդգծել է կուսակցության ղեկավարը: Նրա խոսքով, ԿԺԴՀ հանդեպ պատժամիջոցները պետք է չեղարկել ապամիջուկայնացման գործում առաջընթաց հասնելու նրա նավճումներին զուգընթաց:
Արդարության կուսակցության ղեկավարի հայտարարությունը հնչել է ԿԺԴՀ-ի եւ ԱՄՆ-ի միջեւ երկխոսության հետագա ճակատագրի անորոշության ֆոնի վրա: Վերջին շաբաթների ընթացքում ակնհայտ են դարձել նրանց դիրքորոշումների լուրջ հակասությունները. ԱՄՆ-ն պնդում է, որ պատժամիջոցները պետք է պահպանվեն մինչեւ Հյուսիսը լիովին ապամիջուկայնացված կլինի, իսկ Փհենյանը կարծում է, որ պետք է պարգեւի արժանանա ապամիջուկայնացման ուղղությամբ արված յուրաքանչյուր քայլի համար: