Եկատերինբուրգի բնակիչ Վադիմ Բալակինը կիսվել է Միջին Ուրալում գտնվող Չուսովայա գետի նկարներով: Նկարում պատկերված են հազարավոր փոքր բյուրեղներ, որոնք ծածկում են սառած գետը: Հեռվից դրանք նման են ձնե ծաղիկների: Նման երեւույթն իսկապես կոչվում է սառցե ծաղիկներ, գրում է moya-planeta.ru-ն:
Քեմբրիջի համալսարանից գիտնականներ Գրեյ Ուորսթերը եւ Ռոբերտ Սթայլը պարզել են, որ բյուրեղներն առաջանում են օդի եւ ջրի ջերմաստիճանի զգալի տարբերությունից: Եվ չնայած սառցե ծաղիկներն ավելի շատ տարածված են աղի ջրերում, օրինակ՝ Արկտիկայում, դրանք կարելի է հանդիպել նաեւ քաղցրահամ ջրամբարներում:
