News
Լրահոս
News
Չորեքշաբթի
Դեկտեմբեր 19
Տեսնել լրահոսը

Ապրիլի 22-ին Էրեբունի վարչական շրջանում տեղի ունեցած անկարգությունների դեպքի առթիվ ՀՀ քննչական կոմիտեի ԵՔՔՎ Էրեբունի եւ Նուբարաշեն վարչական շրջանի քննչական բաժնի վարույթում քննվող քրեական գործով մեղադրանք է առաջադրվել եւս մեկ անձի:

Ավելի վաղ տեղեկացրել ենք, որ 2018թ. ապրիլի 22-ին մի խումբ անձինք, բժշկական դիմակներով, հարձակվել են բողոքի ակցիա իրականացնող քաղաքացիների վրա եւ քարերով, մահակներով, էլեկտրահարող սարքերով բռնություն գործադրել։

Դեպքի առթիվ Էրեբունի եւ Նուբարաշեն վարչական շրջանների դատախազությնում 2018թ. ապրիլի 22-ին հարուցվել էր քրեական գործ՝ ՀՀ քրեական օրենսգրքի 225-րդ հոդվածի 2-րդ մասով, եւ նախաքննություն կատարելու համար ուղարկվել ՀՀ ՔԿ ԵՔՔՎ Էրեբունի եւ Նուբարաշեն վարչական շրջանի քննչական բաժնին:

Քրեական գործով ձեռնարկված անհրաժեշտ քննչական եւ դատավարական այլ միջոցառումների  արդյունքում պարզվել են դեպքի մի շարք հանգամանքներ, փաստական տվյալներ ձեռք բերվել ենթադրյալ հանցագործություն կատարած անձանց ինքնության վերաբերյալ:

Ձեռք բերված բավարար ապացույցների հիման վրա՝ մեղադրանքներ էին առաջադրվել՝ ՀՀ քրեական օրենսգրքի 225-րդ հոդվածի 2-րդ մասով:

Քրեական գործով 2018թ. հունիսի 13-ին որպես մեղադրյալ էր ներգրավվել նաեւ Ա.Հակոբյանը եւ վերջինիս նկատմամբ հայտարարվել էր հետախուզում՝ նկատի ունենալով, որ նրան հայտնաբերելու եւ քննությանը ներկայացնելու նպատակով ձեռնարկված օպերատիվ-հետախուզական միջոցառումները դրական արդյունք չեն տվել: Նրա նկատմամբ որպես խափանման միջոց էր ընտրվել կալանավորումը:

Քրեական գործի նախաքննության ընթացքում` 2018թ. նոյեմբերի 17-ին, Ա.Հակոբյանը ներկայացել է վարույթն իրականացնող մարմնին, եւ վերջինիս մեղադրանք է առաջադրվել ՀՀ քրեական օրենսգրքի 225-րդ հոդվածի 2-րդ մասով:  Քննիչը միջնորդություն է ներկայացրել դատարան՝ նրա նկատմամբ ընտրված խափանման միջոց կալանավորումը վերահաստատելու վերաբերյալ:

Դատարանը Ա.Հակոբյանի նկատմամբ որպես այլընտրանքային խափանման միջոց գրավի կիրառումը ճանաչել է թույլատրելի:

Այսպիսով՝ այսօրվա դրությամբ՝ քրեական գործով 15 անձ ունի մեղադրյալի դատավարական կարգավիճակ,  որոնցից 10-ի նկատմամբ որպես խափանման միջոց է ընտրվել ստորագրություն՝ չհեռանալու մասին, 4-ի նկատմամբ կիրառվել է այլընտրանքային խափանման միջոց գրավ, իսկ 1 անձ գտնվում է հետախուզման մեջ։

Նախաքննությունը շարունակվում է, միջոցներ են ձեռնարկվում՝ դեպքի հանգամանքների բազմակողմանի, օբյեկտիվ եւ լրիվ հետազոտումն ապահովելու ուղղությամբ։

Տպել
Կարդացեք նաև
Ամբողջը
Միշտ հորդորում ենք զինծառայողների կարգապահության հարցում լինել խիստ. Սամվել Բալասանյանը՝ 57–ամյա կնոջ սպանության մասին
Այլ մեկնաբանություն քաղաքապետը հրաժարվեց անել՝ նշելով, որ գործը նախաքննության փուլում է...
Մալաթիայում գործող բուքմեյքերական գրասենյակի հարևանությամբ հայտնաբերվել է տղամարդու կախված դի
Ոստիկանությունն ու քննաչական բաժինը պարզում են դիակի ինքնությունը...
Չինաստանի քաղաքացին փորձել է Մերձծովյան երկրամասից ապօրինի կերպով ճապոնական սյուրիկեններ տանել
Զենքի երեք միավորները առանձին պատյանի մեջ են փաթեթավորվել, որը հայտնաբերվել է ավտոբուսում՝ գործիքների արկղում...
Ինչ վիճակում են վերջին օրերին վիրավորված զինծառայողները. ՊՆ պարզաբանումը
Զինծառայողների բուժսպասարկումն առավել արդյունավետ կազմակերպելու նպատակով կայազորային հոսպիտալներից...
Մարոկկոյի իշխանությունները հետաքննում են Դանիայից եւ Նորվեգիայից երկու զբոսաշրջիկների սպանությունը
Ինչպես նշվել է այդ երկրի Ներքին գործերի նախարարությունում, Մարաքեշում ձերբակալվել է զբոսաշրջիկների սպանության կասկածյալը...
Ուղեւորը գումար է վերցրել տաքսու վարորդից եւ սպառնացել նրան
Ձեռնարկված օպերատիվ-հետախուզական միջոցառումների արդյունքում, դեկտեմբերի 17-ին պարզվել է, որ նշված հանցագործությունը կատարել է…