News
Լրահոս
News
Ուրբաթ
Ապրիլ 03
USD
504.5
EUR
551.62
RUB
6.43
ME-USD
0.03
Տեսնել լրահոսը


Որ այդ մարդիկ մտել էին Վեհարան, որեւէ մեկը կարո՞ղ է ասել, թե ինչու նրանք մինչեւ հիմա էնտեղ չեն, որովհետեւ ոստիկանությունը հատուկ գործողությամբ նրանց դուրս է բերել այնտեղից: Այս մասին, այսօր՝ նոյեմբերի 20-ին, մամուլի ասուլիսի ժամանակ հայտարարեց ՀՀ վարչապետի պաշտոնակատար Նիկոլ Փաշինյանը՝ անդրադառնալով ՀՀԿ-ականների օրենսդրական նախաձեռնությանը, որով առաջարկվում է օրենքով ապահովել Ամենայն հայոց կաթողիկոսի անվտանգությունը՝ տրամադրելով թիկնազոր:

«Իսկ ինչո՞ւ այս ընթացքում էլ չեն մտել Վեհարան, որովհետեւ ոստիկանությունը նախորդ փորձը հաշվի առնելով, ապահովել է, որ նրանք չմտնեն այնտեղ: Կաթողիկոսի ճանապարհը փակել են, բա ինչի՞ մինչեւ հիմա այդ ճանապարհը փակված չէ: Որովհետեւ ոստիկանությունը գործողություններ է ձեռնարկել:

Հիմա այն օրենքը, որ ուզում էին ընդունել, կոչվում է պետական բարձրաստիճան պաշտոնյաների պահպանության մասին օրենք: Հիմա մենք համարում ենք, որ ակթողիկոսը պետական բարձրաստիճան պաշտոնյա՞ է:

Մենք համարում ենք, որ Հայ առաքելական եկեղեցու հեղինակության համար լա՞վ է, որ մենք ասենք, որ մի երկրում, որտեղ բնակչության 90 տոկոսը հայ առաքելական եկեղեցու հետեւորդ է, հիմա անհրաժեշտություն է առաջացել, որ նա թիկնազորով շրջի՞: Այդ մարդիկ մտածում են, որ դրանով եկեղեցու հեղինակությանն են ծառայո՞ւմ»,-հայտարարեց Փաշինյանը:

Նա անդրադարձավ նրան, որ այդ օրինագծի չընդունվելուց հետո ՀՀԿ-ական պատգամավորները ցուցադրաբար դուրս եկան դահլիճից. «ՀՀԿ-ականները խռովում դուրս են գալիս դահլիճից, բայց էսքան տարի ինչի՞ այդ օրենսդրությունը չէիք ընդունում:

Բա էդ ո՞ւմ իշխանության տարիներին էին ձեր իսկ նշած աղանդները տարածքում գտել Հայաստանում: Թե՞ 6 ամսվա ընթացքում է այդ ամենը տեղի ունեցել:

Կամ էլ հայտարարում են, թե այդ «նոր Հայրապետ» շարժումը հրահրել է իշխանությունը: Հերիք է, եկեք ուղիղ ասենք, որ դա արտահայտությունն է եկեղեցու ներքին խնդիրների: Որեւէ մեկը մտածում է, որ վարչապետը պետք է մտնի, եկեղեցու ներսում հարաբերություններ կարգավորի՞»,-հայտարարեց Փաշինյանը:

Նա խոսեց ՀՀԿ-ականների մեկ այլ օրենսդրական նախաձեռնության մասին, որով առաջրկվում էր արգելել եկեղեցու տարածքներում բողոքի ակցիաների անցկացումը. «Հիմա եկել ասում են՝ եկեք ցույցը օրենքով արգելենք: Բայց հենց արգելենք, կասեն՝ դրա համար էիք եկել իշխանության, որ արգելեք: Կասեն՝ «այսօր եկեղեցու դիմաց եք արգելում, վաղը կառավարության դիմաց եք արգելելու, մենք գիտեինք, որ բան չի փոխվել»: Մանկամիտ քաղաքականություն են վարում»:

Տպել
Կարդացեք նաև
Ամբողջը
Գարեգին Բ Կաթողիկոսն այցելել է «Եռաբլուր» պանթեոն (ֆոտո)
Ապրիլի 2-ին այցելեցինք «Եռաբլուր» զինվորական պանթեոն՝ մեր խոնարհումը,...
«Փաստ». Եկեղեցին փորձել է հնարավորություն ընձեռել շտկվելու, սակայն՝ ապարդյուն
Ինչ վերաբերում է նրա պահվածքին, ապա այդ անձը երբևէ ականջալուր չի եղել իրեն ուղղված հորդորներին և խրատներին...
Մայր Աթոռ Սուրբ Էջմիածնում կկատարվի Հանրապետական մաղթանք
Արարողությունը բարեպաշտ մեր ժողովրդի համար կհեռարձակվի ժամը 18։00-ին...
Վիրահայոց թեմը հոգեւոր ծիսակատարությունները եւ արարողությունները կիրականացնի փոփոխված ձեւաչափով
Վիրահայոց թեմի առաջնորդի տեղապահը վիրահայերին կոչ է արել, պահպանել հանգստություն եւ աղոթել տանը...
Թող բոլորը վստահ լինեն, որ արվում է և կարվի ամենը մեր ժողովրդի հավատի զորացման համար. Մայր Աթոռ Սուրբ Էջմիածին
Աշխարհը, ցավոք, մեզանից ավելի լավ է մեզ ճանաչում իբրև քրիստոնյա և քրիստոնեական հարուստ…
Պոլսո Հայոց պատրիարքարանն առցանց պատարագ է անցկացրել (վիդեո)
Այս քայլի նպատակն է եղել հավատացյալներին հեռակա կարգով պատարագին մասնակից դարձնելը…