Հինգշաբթի երեկոյան Բելգիայի Նիվել քաղաքի մոտակայքում 400 հոգու մասնակցությամբ նավթամշակող գործարանի տարածքում, որը մի քանի օր շարունակ արգելափակում է դիզելային վառելիքի գների բարձրացման դեմ «դեղին բաճկոնների» շարժումը, անկարգություններ են տեղի ունեցել, հաղորդում է «Ինտերֆաքսը»՝ հղում անելով RTBF հեռուստաալիքին:
«Ամենաթեժ պահին մոտ 400 մասնակից կար: 120 ոստիկան էր ուղարկվել...եւ չնայած դա դեռ վերջնական արդյունքը չէ, գործողության ավարտի ժամանակ 30 մարդ ձերբակալվել է, մի քանի ավտոմեքենաներ, հեռախոսներ կալանավորվել: Տեսնենք, թե ում հետ գործ ունենք, որքան են ռեցիդիվիստները, հայտնի են արդյոք այդ մարդիկ: Հիմա դեռ 5-ն են պարզվել, որոնք հայտնի են իրավապահներին», - լրագրողներին ասել է Էնոյի նահանգապետ Տոմմի Լեքլերքը:
Հեռուստատեսության տվյալներով, իրադարձություններին մասնակցում էին շատ ավելի քիչ «դեղին բաճկոններ», սակայն շատերը թաքցնում էին իրենց դեմքը, ովքեր միացել էին ցուցարարներին, հատկապես ոստիկանների հետ բախումների եւ անկարգությունների համար:
Նրանց դեմ քարեր, մետաղյա ձողեր եւ պայթուցիկ նյութերով շշեր են նետվել: Ծայրահեղականները լավ պատրաստված էին եւ կարողացել են անգամ լազերի օգնությամբ ստիպել ոստիկանության ուղղաթիռին հեռանալ:
RTBF-ը նշում է, որ հարձակման հետեւանքով իրենց օպերատորը վիրավորվել է, իսկ հեռուստաալիքի մեքենան քարերից վնասվել:
Ֆրանսիայից Բելգիա տարածված հզոր բողոքի շարժումը ուղղված է վառելիքի, հատկապես դիզելային վառելիքի գնի բարձրացման դեմ: Գործողությունների ընթացքում մասնակիցները դեղին լույսն անդրադարձնող բաճկոններ են հագնում:
