Մենք կգտնենք այս խնդրի լուծումը: Այս մասին նոյեմբերի 23-ին մամուլի ասուլիսում հայտարարեց Հայաստանի տնտեսական զարգացման եւ ներդրումների նախարարի պաշտոնակատար Տիգրան Խաչատրյանը՝ խոսելով այն մասին, որ հայկական կողմը չի կարող հացահատիկի բեռներ ստանալ ոչ ծովով, ոչ ցամաքով:
Նրա խոսքով, հունվարի 1-ից հացահատիկը կշարունակի Հայաստան հասնել, ինչպես նախկինում: «Միշտ խնդիրներ ու մարտահրավերներ են առաջանում, որոնք կարելի է լուծել: Բեռներն անպայման կմատակարարվեն, քանի որ դա կարեւոր խնդիր է», - հավաստիացրեց Խաչատրյանը: