«Վեոլիա ջրի» եւ ՀՀ կառավարության միջեւ կնքված պայմանագրով՝ դեկտեմբերին պետք է խմելու ջուրը թանկանար 11 դրամով, բայց մենք բանակցել ենք ընկերության հետ եւ մինչեւ 2024 թվականը Հայաստանում խմելու ջրի թանկացում տեղի չի ունենալու։ Այս մասին այսօր՝ նոյեմբերի 27–ին, հայտարարեց ՀՀ վարչապետի պաշտոնակատար, «Իմ քայլը» դաշինքի նախընտրական ցուցակը գլխավորող Նիկոլ Փաշինյանը՝ Ալավերդու ընտրողների հետ հանդիպմանը։
Նա շնորհակալություն հայտնեց «Վեոլիա ջրին» կառուցողական մոտեցման համար եւ հույս հայտնեց, որ ֆրանսիական ընկերության հետ նոր հարաբերություններ կկառուցեն, որովհետեւ շահագրգիռ են, որ Ֆրանսիայից լուրջ ներդրումներ լինեն։
«Խմելու ջրի հասանելիության խնդիրը պետք է լուծենք շատ արագ»,–ասաց Նիկոլ Փաշինյանը։
