Երեւանում նախօրեին թալանել են ֆուտբոլի Հայաստանի ազգային հավաքականի մարզիչ Արմեն Գյուլբուդաղյանցի մեքենան։

Ոստիկանության լրատվական ծառայությունից NEWS.am–ին հայտնեցին, որ նոյեմբերի 28–ին ժամը 12։00–ին ոստիկանության Արաբկիրի բաժին ահազանգ է ստացվել, որ նոյեմբերի 27-ի ժամը 18:00-ից մինչև նոյեմբերի 28-ի ժամը 08:30-ն ընկած ժամանակահատվածում տեխնիկական միջոցների գործադրմամբ գողացել են Կոմիտաս պողոտայում կայանված Porsche Cayenne մեքենայի լուսարձակները։

Վնասի չափը պարզվում է, նախապատրաստվում են նյութեր։

Նշենք, որ ըստ Shamshyan.com–ի՝ մեքենան հաշվառված է Հայաստանի ֆուտբոլի ֆեդերացիայի հաշվեկշռում և այն վարում է Հայաստանի ազգային հավաքականի գլխավոր մարզիչ Արմեն Գյուլբուդաղյանցը: