Մակեդոնիան կարող է 2020թ․ սկզբին միանալ ՆԱՏՕ-ին, եթե իրականանա երկիրը Հյուսիսային Մակեդոնիա վերանվանելու մասին Հունաստանի հետ համաձայնագիրը՝ տեղեկացնում է AP-ն։
ԱՄՆ պետքարտուղարի օգնականի տեղակալ Մեթյու Փալմերն ասել է, թե Մակեդոնիան «արդեն 18 ամսից» կարող է դառնալ ՆԱՏՕ-ի 30-րդ անդամը։ «Դա բավական իրական ամսաթիվ է»,- հավելել է նա։ Ընդ որում, նա անհանգստություն է հայտնել Արեւմտյան Բալկաններում ռուսական «չարամիտ ազդեցության», այդ թվում՝ ՆԱՏՕ-ի անդամ դառնալու Մակեդոնիայի որոշումը խափանելու կապակցությամբ։
«Կրեմլը կարծում է, որ կարող է տարածաշրջանում իր շահերն առաջ տանել՝ հիմնվելով հակամարտությունների, անվստահության եւ անկարգությունների վրա»,- ասել է Փալմերը՝ հավելելով, որ Ռուսաստանը կենտրոնացած է իր «տեսլականներն ու նպատակները առաջ տանելու վրա, որնք սակայն ավելի ու ավելի են հակադրվում մերին»։