«Լուսավոր Հայաստանը» ազատական քաղաքական միավոր է, որը ցույց է տվել, որ պրոֆեսիոնալ ու գաղափարական մարդկանց թիմ է: Այս մասին քաղաքական մեծ դեբատների ժամանակ նշեց «Լուսավոր Հայաստան» կուսակցության ցուցակը գլխավորող Էդմոն Մարուքյանը:
Նրա խոսքով՝ «Լուսավոր Հայաստանը» դեմ է քվեարկել Սերժ Սարգսյանի երրորդ ժամկետին, միշտ պայքարել է անարդարությանների դեմ, իսկ հոկտեմբերի 2-ին բացահայտել է այն սաբոտաժը, որ իրականացվում էր հեղափոխության դեմ:
«Լուսավոր Հայաստանը» գալիս է ծրագրով, որը վերաբերում է տարածքային համաչափ զարգացմանը: Մենք երկար ժամանակ խոսել են անհամաչափ զարգացման թերությունների մասին: Հարկային օրենսդրության փոփոխությունների մեծ փաթեով ենք գալիս, որտեղ փոքր ու միջին բիզնեսը կլինի պաշտպանված, հարկային բեռը թեթեւ, վարչարարությունը թեթեւ, իսկ աշխատողների իրավունքները պաշտըպանված: Հայաստանում աշխատողների հետ պայմանագրեր չեն կնքվում, իսկ մենք գալիս ենք նրանց պաշտպանելու:
«Լուսավոր Հայաստանը» ունի արտաքին քաղաքական լուրջ ծրագիր, որը ենթադրում է ԵՄ-ի հետ ռազմավարական հարաբերություն, ՌԴ-ի հետ այնպիսի հարաբերություններ, երբ Ռուսաստանը այլեւս կհրաժարվի Ադրբեջանին զենք վաճառել»,-հայտարարեց Մարուքյանը:
Նա ընդգծեց, որ «Լուսավոր Հայաստանը» գալիս է հայտով. «Մեր հայտը ԱԺ-ում երկրորդ քաղաքական միավոր լինելն է: Մեր շփումները ցույց են տվել, որ ՀՀ-ի քաղաքացիները մեզ տեսնում է որպես երկրորդ քաղաքական ուժ: Մենք լինելու ենք հակակշիռ, որի պայմաններում այլեւս կարիք չի լինելու ցրել խորհրդարանը, այլեւս երբեք ՀՀ-ում կարիք չի լինելու հեղափոխություն անելու»: