Այսօր մեզ պետք է տնտեսական հեղափոխություն, որը ես ներկայացրել եմ: Այս մասին այսօր՝ դեկտեմբերի 5–ին, Հանրային հեռուստաընկերության ուղիղ եթերում քաղաքական մեծ բանավեճի ժամանակ ասաց ԲՀԿ առաջնորդ Գագիկ Ծառուկյանը:
«Անհրաժեշտ են հարկային բարեփոխումներ, բանկային, ուսանողական, կրթական, ռազմական, արդյունաբերական... այսօր մեր ժողովրդի վիճակը բոլորս էլ գիտենք, ժողովուրդը մեզնից սպասում է այն, ինչ սպասում էր, որ իր կյանքում իրական բան փոխվի»,-ասաց նա:
Ծառուկյանը նշեց, որ ԲՀԿ-ն տնտեսական զարգացման իր ծրագիրն ունի, որը կետերով իրենք ներկայացրել են. «առանց այդ կետերի երբեք ոչ մի բան չի կարող փոխվել: Մենք պետք է կարողանանք նայենք եւ այն կետերը, որոնք ընդունված են իշխանությունների կողմից, չի արդարացվել, որտեղ գումարը տրված է, ուշադիր լինել, որ գումարը չփոշիանա, ճիշտ նպատակին ծառայի:
Ժողովուրդը սպասում է, որ ընտրությունից հետո իրենց առօրյայում բան է փոխվելու:Մենք գլոբալ ոչ մի հարց չենք կարգավորում, թեթեւակի արել ենք, պետք է կարողանանք մեր խոսը գործ դարձնել»,-ասաց նա:
