News
Լրահոս
News
Երկուշաբթի
Դեկտեմբեր 10
Տեսնել լրահոսը


Մենք համարում ենք, որ եղել է իշխանափոխություն. տվյալ դեպքում եղել է բողոքի ալիք, որը պարոն Փաշինյանը հեծնել է եւ եկել իշխանության: Այս մասին այսօր՝ դեկտեմբերի 5–ին, Հանրային հեռուստաընկերության ուղիղ եթերում ընթացող քաղաքական մեծ բանավեճի ժամանակ նշեց ՀՀԿ ցուցակը գլխավորող Վիգեն Սարգսյանը՝ անդրադառնալով «Քրիստոնեա-ժողովրդական վերածնունդ» կուսակցության ցուցակը գլխավորող Լեւոն Շիրինյանի հարցին, թե արդյոք ՀՀ-ում տեղի ունեցածը հեղափոխություն էր: Նշենք, որ բանավեճը ենթադրում է, որ առաջնորդներից մեկը իր հայեցողությամբ հարց է ուղղում որեւէ ուժի առաջնորդի, իսկ մյուսները կարող են նույն թեմայի շուրջ բանավեճ ծավալել:

«Պարոն Փաշինյանն ասում է՝ տեղի ունեցածը բացառիկ է, բայց պիտի հիասթափեցնեմ, ամեն տեղ դա լինում է եւ սովորաբար լավ չի վերջանում»,- ասաց Վիգեն Սարգսյանը: 

Փաշինյանը նման կանխատեսումը «բայղուշություն» անվանեց, Վիգեն Սարգսյանը նկատեց. «Ես ուզում եմ, որ դուք իմանաք, որ ձեր տապալվելը ոչ մեկին ձեռք չի տալիս: Ինձ ձեռք չի տալիս, որովհետեւ իմ երեխաներն են այս երկրում ապրում: Բայց ես ուզում եմ, որ դուք հաջողեք աշխատանքով, ոչ թե խոսքերով: Որ մարդիկ զգան, որ երջանիկ են: Ձեր պատմածից դուրս է գալիս, որ մենք իդեալական երկրում ենք ապրում, որտեղ թոշակները, աշխատավարձերը ավելացել են, գները իջել են, բայց մարդիկ դա չեն զգում»:

Նիկոլ Փաշինյանը նկատեց, որ երբ Վիգեն Սարգսյանն ասում է՝ բողոքի ալիքը հեծնեցին, սա լեզվամտածողություն է. «Սա քաղաքական գործչի եւ հանրության հարաբերությունների մասին պատկերացում է: Իրենք (ՀՀԿ-ն-խմբ) եւ արտաքին, եւ ներքին հարաբերության մեջ պատկերացնում են հենց այդ հարաբերությունը. կամ դու պետք է հեծնես, կամ քեզ պետք է հեծնեն: Իրենք ներքին կյանքում աշխատել են ժողովրդին հեծնել, եւ դրա արդյունքում իրենց դրսերում հեծնել են: Հիմա էլ ասում են, թե արտաքին քաղաքականություն է եղել»:

Որպես գործող իշխանության արտաքին քաղաքական բացթողումների ապացույց՝ Վիգեն Սարգսյանը հիշեցրեց, որ Փաշինյանի հետ խոսում են մամուլի քարտուղարները, վերջին օրերին նրա հետ 4 մամուլի քարտուղար է խոսել, ինչին Փաշինյանն արձագանքեց. «Մամուլի քարտուղարը ձեզ հետ է խոսում: Ինձ հետ որեւէ մամուլի քարտուղար չի կարող խոսել»:

«Լուսավոր Հայաստանի» առաջնորդ Էդմոն Մարուքյանը նշեց, որ տեղի է ունեցել հեղափոխություն, բայց պարտվող կողմը չի կարողանում արժանապատիվ պարտվել. «Սերժ Սարգսյանի հրաժարականից հետո պետք է բոլորը հրաժարական տային, ոչ թե աթոռները պահեին, փորձեին սաբոտաժ անել: Դուք գիտե՞ք, որ գյուղերում մեզ ասում են՝ այնպես արեք, որ չխոսեն ՀՀԿ-ի մասին»:

Վիգեն Սարգսյանն արձագանքեց, որ այն գյուղերում, որտեղ ինքն է եղել, շատ ջերմ են ընդունել ՀՀԿ-ականներին, սակայն չնշեց, թե որ գյուղերն են այցելել: «Դուք արժանապատիվ պարտությունը կկրեք ու ցույց կտաք արժանապատվությունը: Մենք այս պահին անում ենք այն, ինչ կուսակցությունը պետք է անի: Կուսակցությունը պետք է ընդունի իրականությունը, որ եղավ, եւ գնա նոր քաղաքական փուլի: Մենք ունենք զանգված, հսկայական քանակությամբ մարդկանց, ովքեր մեզ ասում են, որ մեր կարիքն ունեն խորհրդարանում»,-ասաց Վիգեն Սարգսյանը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀՀԿ-ն այս ընտրություններում կարձանագրի այն ցուցանիշը, որը կարձանագրեր վերջին 18 տարիներին. Փաշինյան
Մենք միշտ դա ենք ասել, որ եթե ՀՀ-ում լինեն օրինական ընտրություններ, ՀՀԿ-ն կամ չի հաղթահարի շեմը կամ կհաղթահարի դժվարությամբ...
ՀՀ քաղաքացիները ձեւավորում են բացարձակ հեղափոխական մեծամասնություն. Փաշինյան
Ընդ որում այն որեւէ օրենսդրական փոփոխություն իրականացնելու խնդիր չի ունենա, նաեւ կունենա սահմանադրական մեծամասնություն...
Կենտրոնական ընտրական հանձնաժողովը մշակել է քվեաթերթիկների 12 տոկոսը․ ուժերի հարաբերակցությունը չի փոխվել
Հայ Հեղափոխական Դաշնակցությունը՝ ձայների 5,39 տոկոսով (8258 ձայն) չորրորդ հորիզոնականում է․․․
ԱՊՀ ՄԽՎ դիտորդները այցելել են ընտրական տեղամասեր
Օրվա ավարտին միջազգային դիտորդների խումբը Երեւանում ամփոփիչ ժողով է անցկացրել․․․
Անակնկալն այն է, որ ՀՀԿ-ն դեռ մի փոքր շանս ունի. Դավիթ Սանասարյան
Հիմա դա չի եղել, չեն աշխատել «Գազելները»: Քաղաքացիները վստահ են եղել, որ ամեն ինչ լավ է լինելու եւ չեն եկել ընտրության...
Տեղամասերի 14 տոկոսում հաշվարկը սկսվել է տեսախցիկի տեսադաշտից դուրս. Իոաննիսյան
«Անկախ դիտորդի» ներկայացուցիչները տարբեր բնույթի խախտումների մասին 150 գրառում են կատարել...
Partner news