Ղազախստանի նախագահ Նուրսուլթան Նազարբաեւը հայտարարել է, որ Եվրասիական տնտեսական միության երկրները 2025 թվականին պետք է վերացնեն փոխադարձ առեւտրի բոլոր խոչընդոտները, փոխանցում է ՏԱՍՍ-ը:
«Անհրաժեշտ է, որ մենք 2025 թվականին վերացնենք փոխադարձ առեւտրում գոյություն ունեցող բոլոր խոչընդոտները, ինչի մասին այսօր խոսեցինք: Սա մեր միավորման լիարժեք գործելու կարեւոր պայմանն է: Հանձնաժողովը եւ կառավարությունները այս ուղղությամբ աշխատանքը պետք է ակտիվացնեն»,- ասել է Նազարբաեւը հինգշաբթի Եվրասիական տնտեսական բարձրագույն խորհրդի նիստում:
Նա նշել է, որ կարեւոր է համարում «տնտեսության առանցքային հատվածներում խարիսխային նախագծերը, որոնք պրակտիկայում թույլ կտան մեր միավորումն ամրապնդել»: «Հանձնաժողովը կառավարությունների հետ համատեղ պետք է որոշի այնպիսի նախագծերի ցանկը, որոնք կկարողանայինք համատեղ իրականացնել, ինչպես անում են ուրիշ տնտեսական միավորումները»,- պարզաբանել է Ղազախստանի նախագահը: