Եվրասիական տնտեսական հանձնաժողովն առաջարկում է Եվրասիական տնտեսական միության երկրների համար վճարային համակարգ ստեղծել, փոխանցում է «Ինտերֆաքսը»:
«Վճարային համակարգի ստեղծման եւ փոխադարձ վճարումների իրականացման նախաձեռնություն կա: Սա այսօր հանձնաժողովի կողմից քննարկվող նախաձեռնություններից մեկն է»,- լրագրողներին ասել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:
Նա հավելել է, որ խորհուրդը ընդհանուր ֆինանսական շուկայի քննարկմանը կվերադառնա, երբ պետությունների կենտրոնական բանկերն ավարտեն այս հայեցակարգի վրա տարվող աշխատանքը:
«Վերջնական տարբերակը կներկայացվի միջկառավարական խորհրդի նիստերից մեկում»,- ասել է Սարգսյանը: