News
Լրահոս
News
Երեքշաբթի
Մայիս 21
Տեսնել լրահոսը


ՀՀ վերաքննիչ քրեական դատարանը առաջին ատյանի դատարանի որոշումը թողեց անփոփոխ, մեր բողոքները մերժեց, դա կբողոքարկվի: Այս մասին, ասաց ՀՀ երկրրոդ նախագահ Ռոբերտ Քոչարյանի պաշտպան Հայկ Ալումյանը:

«Ըստ դատարանի պետք է կալանավորվի. խափանման միջոց ընտրվել է կալանավորումը»,-ասաց նա՝ հավելելով, որ մնացածը կասի ասուլիսի ժամանակ:

«Բողոքարկելու ենք բոլոր հնարավոր ատյաններ, բոլոր հնարավոր եղանակներով:  Սա աննախադեպ էր իր իրավաբանական ոլորտի խախտումներով: Ինձ համար աննախադեպ որոշում էր: Բնականաբար, կայացվել է, ուրիշ ձեւ հնարավոր չէր՝ կայացված լիներ, ճնշումների ազդեցության տակ: Դա բոլորի համար ակնհայտ է»,-ասաց պաշտպանը:

Հարցին, թե վստահ է, որ սա քաղաքա՞ն որոշում է, Ալումյանն արձագանքեց. «Ես քաղաքականության մասին չխոսեմ: Ճնշումը դուք տեսել ու լսել եք հեռուստացույցերով ու ինտերնետներով»:

Նշենք, որ այսօր՝ դեկտեմբերի 7-ին ՀՀ վերաքննիչ քրեական դատարանը՝ դատավոր Ռուբեն Մխիթարյանի նախագահությամբ հրապարակել է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքի գործով իր որոշումը:

Երկրորդ նախագահի խափանման միջոցի հարցով գործի քննությունը մեկնարկել է նոյեմբերի 27–ին։ Դատական նիստին մասնակցել է 6 դատախազ, այդ թվում՝ գլխավոր դատախազ Արթուր Դավթյանն, ինչն աննախադեպ երեւույթ է հայաստանյան դատական պրակտիկայում։

Հինգ օր շարունակ ՀՀ վերաքննիչ քրեական դատարանը քննել է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքը։ 

Ավելի վաղ NEWS.am-ը հայտնել էր, որ օգոստոսի 13-ին Վերաքննիչ քրեական դատարանը բավարարել էր Ռոբերտ Քոչարյանի պաշտպանական կողմի միջնորդությունն ու վերացրել առաջին ատյանի դատարանի՝ Քոչարյանին կալանավորելու որոշումը՝ հաշվի առնելով, որ երկրորդ նախագահն անձեռնմխելի է: Նա ազատ էր արձակվել դատարանի դահլիճից։

Վճռաբեկ դատարանը նոյեմբերի 15-ին որոշում էր կայացրել, որով բեկանվել է Ռոբերտ Քոչարյանի նկատմամբ ընտրված խափանման միջոց կալանավորումն անձեռնմխելիության հիմքով վերացնելու վերաբերյալ Վերաքննիչ դատարանի որոշումը եւ գործն ուղարկվել նույն դատարան նոր քննության:

Հիշեցնենք, որ ՀՀ երկրորդ նախագահ Ռոբերտ Քոչարյանը 2008 թվականի «Մարտի 1-ի» քրեական գործով մեղադրվում է սահմանադրական կարգը տապալելու համար։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռոբերտ Քոչարյանի պաշտպանական խմբից արտահոսքի մասին տեղեկությունը բացահայտ սուտ է. հայտարարություն
Բացի այդ հրապարակված նյութում նշվում է, որ Քոչարյանը մինչեւ որոշման հրապարակումը տեղյակ է եղել...
Գորիկ Հակոբյանի տեսանյութերը չգիտենք ուր են. Հայկ Ալումյան
Հայկ Ալումյանը ներկայացրեց, որ Ռոբերտ Քոչարյսնին ասել են, որ ցուցարարների մոտ զենք կա եւ կան կրակոցներ...
«0038» հրամանը եւ «Մարտի 1»-ի գործողությունները փոխկապակցված չեն. Քոչարյանի պաշտպանները տեսանյութեր հրապարակեցին
0038 հրամանի մեջ որեւէ սարսափելի գործողություն չկա, այդ հրամանով զորքերի տեղաշարժ է եղել մի կայազորից մյուսը...
Դատախազության նկարագրած դրվագին առնչվում է «Ալրաղացի Լյովիկը». Արթուր Դավթյանը փակագծեր բացեց
Իհարկե հայտնի են, թե ովքեր են այդ անձինք, բա հո՞ մենք չէինք կարող օդից կտրված տեղեկություն մեջբերել...
Հանրապետության տարբեր հատվածներից զորք է տեղափոխվել Երևան, ներգրավվել քաղաքական պրոցեսներին. Արթուր Դավթյանի ելույթը
Խոչընդոտելու ռիսկն առկա է անգամ անձնական երաշխավորության պայմաններում...
Արցախի բանակից թեկուզ 1 մարդ չի բերվել Հայաստան. Ռոբերտ Քոչարյանը՝ մարտի 1-ի իրադարձությունների մասին
Նա պնդեց, որ դատախազները հրաժարվեն մեղադրանքից...