2018 թվականի վերջին համացանցին հասանելիություն կունենա 3,9 մլրդ մարդ կամ Երկրի բնակչության 51,2 տոկոսը, հայտնում է RNS-ն՝ վկայակոչելով Էլեկտրակապի միջազգային միությանը։
Հաղորդագրությունում նշվում է, որ 13 տարվա մեջ Աֆրիկայի երկրներում համացանցին հասանելիություն ունեցող բնակիչների մասնաբաժինը 2005 թվականին 2,1 տոկոսից 2018 թվականին աճել է 24,4 տոկոս։
Զարգացած երկրներում համացանցին հասանելիություն ունեցող բնակիչների մասնաբաժինը 51,3 տոկոսից աճել է 80,9 տոկոս, զարգացող երկրներում՝ 7,7 տոկոսից 45,3 տոկոս։