Թուրքիան հիասթափված է, որ Սաուդյան Արաբիան հրաժարվում է հանձնել սաուդցի լրագրող Ջամալ Խաշոգջիի սպանության կասկածյալներին՝ տեղեկացնում է Reuters-ը։

Թուրքիայի նախագահի ներկայացուցիչ Ֆահրեթին Ալթունը հայտարարել է, որ այժմ միջազգային հանրության շահերից է բխում միջազգային դատարաններում Խաշոգջիի գործի բացահայտումը։

Անցյալ շաբաթ Թուրքիան Սաուդյան Արաբիայի արքայազնի երկու նախկին օգնականների ձերբակալության վճիռ էր կայացրել, սակայն Սաուդյան Արաբիայի ԱԳՆ ղեկավարը մերժել էր Թուրքիայը հայցը՝ հայտարարելով, որ թագավորությունն իր քաղաքացիներին չի հանձնում։