Instagram-ում ավելացել է ձայնային հաղորդագրություններ ուղարկելու գործառույթը: Այս մասին ասվում է երկուշաբթի Twitter-ի պաշտոնական էջում հրապարակված հայտարարության մեջ, հաղորդում է ՏԱՍՍ-ը:
«Այսօրվանից դուք կարող եք Direct-ով ձայնային հաղորդագրություններ ուղարկել», - ասվում է հայտարարությունում: Հաղորդագրության առավելագույն տեւողությունը մեկ րոպե է:
Հունիսին Instagram-ը թարմացում էր թողարկել ավելացնելով Direct-ի միջոցով տեսազանգերի հնարավորությունը: Տեսազանգին կարող է մասնակցել մինչեւ 4 մարդ:
Instagram հավելվածը, որը նախատեսված է նկարների եւ հոլովակների հրապարակման համար, գործարկվել է 2010-ի հոկտեմբերին եւ սկզբում նախատեսվում էր միայն Apple-ի բջջային սարքերի համար: 2012-ի ապրիլից այն հասանելի դարձավ նաեւ Android-ի համար:
Այդ ժամանակ Facebook ընկերությունը 1 մլրդ դոլարով գնեց Instagram-ը:
Հունիսին սոցցանցի օգտվողների թիվը հասավ 1 մլրդ-ի: