Թուրք զինվորականները զրահատեխնիկայով ուժեղացնում են Սիրիայի սահմանին գտնվող Կիլիս քաղաքում տեղակայված ռազմական խմբավորումը՝ հայտնում է ՌԻԱ Նովոստին՝ հղում կատարելով NTV-ին։
Հայտնում են, որ զրահատեխնիկան մոտենում է Սիրիայի սահմանին այն բանից հետո, երբ Թուրքիայի նախագահ Ռեջեփ Թայիփ Էրդողանը հայտարարեց, որ իրենք պատրաստ են Եփրատից արեւելք ռազմական գործողություններ իրականացնել սիրիական քրդերի ինքնապաշտպանական ուժերի (YPG) դեմ։