Երեւանի ընդհանուր իրավասության դատարանը հրապարակում է ՀՀ նախկին փոխվարչապետ Արմեն Գեւորգյանի խափանման միջոցի հարցի վերաբերյալ որոշումը։ Դատական նիստը դռնփակ է, եւ լրատվամիջոցները հնարավարություն չունեն հետեւելու որոշման հրապարակմանը։

 ՀՀ հատուկ քննչական ծառայությունը Գեւորգյանին կալանավորելու միջնորդություն է ներկայացրել դատարան, իսկ նրա պաշտպանները միջնորդել են նրա նկատմամբ թույլատրելի ճանաչել գրավը։

Նշենք, որ դեկտեմբերի 12–ին հայտնի դարձավ, որ նախկին պաշտոնյային նոր մեղադրանք է առաջադրվել։ Գեւորգյանը մասնավորապես  մեղադրվում է ՀՀ Քրեական օրենսգրքի 311 հոդվածի 4-րդ մասի 2-րդ կետով (պաշտոնատար անձի կողմից առանձապես խոշոր չափերի կաշառաք ստանալը), ՀՀ ՔՕ 190 հոդվածի 3-րդ մասի 1-ին կետով (փողերի լվացում, որը կատարվել է առանձնապես խոշոր չափերով) ՀՀ ՔՕ 38-300.1 հոդվածի 1-ին մասով (սահմանադրական կարգի տապալմանը օժանդակելը):

Ավելի վաղ Արմեն Գեւորգյանին մեղադրանք է առաջադրվել Մարտի 1-ի գործով արդարադատության կայացմանը խոչընդոտելու համար: Նախաքննական մարմինը նրա նկատմամբ որպես խափանման միջոց էր ընտրել չհեռանալու մասին ստորագրությունը: