Կոստա Ռիկայում ԱՄՆ Ֆլորիդա նահանգից Կառլա Սթեֆանիակի սպանության մեջ կասկածում են մի քանի մարդկանց, հայտնում է Fox News-ը՝ վկայակոչելով Q Costa Rica-ին:
Ավելի վաղ Մայամիի 36-ամյա բնակչի մարմինը գտել էին փոսի մեջ, որը փորվել էր Սան Խոսեի մերձակա լեռնային շրջանում:
Դատական փորձաքննության արդյունքներով՝ կնոջ դաժան սպանությանը կարող էին մասնակցած լինել 3-4 մարդիկ:
Սթեֆանիակի ազգականները հինգշաբթի գիշերը զեկույցի հղումը հրապարակել են Facebook-ի «Finding Carla» էջում:
Կոստա Ռիկայի դատաքննությունների գործակալությունում Telemundo 51-ին հայտնել են, որ այս գործով տեղեկությունները գաղտնի են, իսկ հետաքննությունը շարունակվում է:
Այս պահին հանցագործության կատարման մեջ կասկածվող միայն մեկ մարդ է ձերբակալվել. Airbnb հյուրանոցի անվտանգության աշխատակից Բիսմարկ Էսպինոզա Մարտինեսը, որտեղ կինն իջեւանել էր:
Տեղական իշխանությունները հայտարարել են, որ ամերիկացի զբոսաշրջիկի սպանությունը սեքսուալ պատճառներ ուներ: