Հնդկաստանի կառավարական ուժերի եւ երկրի կազմից Քաշմիրի դուրս գալու օգտին հանդես եկող ապստամբների միջեւ տեղի ունեցած փոխհրաձգության հետեւանքով սպանվել է 3 զինյալ, փոխանցում է Associated Press-ը:
Հնդիկ զինվորականները շրջապատել են Փուլվամա բնակավայրի մոտ գտնվող գյուղը, որտեղ թաքնվում էին զինյալները: Երբ զինվորները սկսել են որոնել զինյալներին, տեղի է ունեցել հրաձգություն, որի հետեւանքով սպանվել են 3 գրոհայիններ, վիրավորվել՝ 2 զինվորներ:
Այդ ժամանակ փողոցներ են դուրս եկել հարյուրավոր մարդիկ՝ ի համերաշխություն ապստամբների եւ ընդդեմ Հիմալայան շրջանում Հնդկաստանի կառավարման: Կառավարական ուժերը կրակ են բացել քաղաքացիական անձանց վրա. երկու մարդ զոհվել է, 25-ը՝ մարմնական վնասվածքներ ստացել: