2018թ. 11 ամիսների ընթացքում ՀՀ ԱԱԾ-ն կանխել է պետական մարմինների տեղեկատվական համակարգեր և պաշտոնական կայքեր անօրինական մուտք գործելու կամ այլ հարձակումների շուրջ 3 մլն փորձ: Այս մասին այսօր՝ դեկտեմբերի 15-ին ԱԱԾ պաշտոնական նոր կայքէջի գործարկման ժամանակ հայտարարեց ԱԱԾ գիտաուսումնական կենտրոնի ղեկավար Արմեն Քինակցյանը:
Նրա խոսքով հաքերային հարձակումների փորձերը եղել են տարբեր երկրներից՝ մեծ մասամբ Ադրբեջանից և Թուրքիայից:
Նշենք, որ հաքերային հարձակումների թիվը նախորդ տարվա համեմատ կտրուկ աճել է:
2017թ. ընթացքում ԱԱԾ-ի կողմից կանխվել է պետական մարմինների տեղեկատվական համակարգեր և պաշտոնական կայքեր անօրինական մուտք գործելու կամ այլ հարձակումների՝ շուրջ 1.5 միլիոն փորձ:
