Հոլանդական ավիացիոն Scramble magazine պարբերականը հրապարակել է Սու-27 կործանիչի վթարի լուսանկարը, որը կործանվել է դեկտեմբերի 15–ին Ժիտոմիրի շրջանում, փոխանցում է «Սեգոդնյան»։
«Scramble–ին են տրամադրվել Ուկրինայում Սու-27–ի սարսափելի աղետի լուսանկարները, որի ժամանակ օդաչուն զոհվել է։ Լուսանկարում Սու-27–ը՝ 55 բորտային համարով, 36911021308 սերիական համարով 831 մարտավարական ավիացիոն ջոկատից, գտնվում է դաշտում «Օզերնոե» օդանավակայանի կողքին»,–ասված է հրապարակման մեջ։
Պարբերականը չի նշում, թե ով է տրամադրել լուսանկարները։
Ավելի վաղ հայտնի է դարձել, որ դեկտեմբերի 15-ին Ժիտոմիրի շրջանում «Օզերնոե» օդանավակայանի մերձակայքում կործանվել է Սու-27 կործանիչը, օդաչուն զոհվել է։