Մերձմոսկովյան Ձերժինսկում գործարանի տարածքում ծածկի փլուզման հետեւանքով տուժել է 12 մարդ, նրանցից 6–ին հոսպիտալացրել են Ձերժինսկի քաղաքային հիվանդանոցում, «ՌԻԱ Նովոստի»–ին հայտնել են շրջանային առողջապահության նախարարության մամուլի ծառայությունից։

Քննության տվյալներով՝ դեկտեմբերի 17–ին Ձերժինսկում երկաթ–բետոնե արտադրանքի գործարանի տարածքում տեղի է ունեցել արտադրական կառույցներից մեկի ծածկի փլուզում։ Փլվածքների տակ մարդիկ են հայտնվել, նախնական տեղեկությոններով՝ ձեռնարկության աշխատակիցներ։ Շրջանի արտակարգ ծառայության ներկայացուցիչը գործակալությանը հայտնել է, որ ճշտված տեղեկություններով՝ զոհվել է երեք մարդ։

«Այս պահին Մոսկվայի մարզի Ձերժինսկ քաղաքում պատահարի հետեւանքով քաղաքային հիվանդանոց է տեղափոխվել 6 մարդ՝ տարբեր աստիճանի ծանրության վնասվածքներով։ Տուժածներին բժիշկները ցուցաբերել եմ անհրաժեշտ օգնություն։ Եվս վեցին ցուցաբերվել է առաջին օգնություն, նրանք հոսպիտալացման կարիք չունեին։ Երեք մարդ զոհվել է»,– նշված է շրջանային առողջապահության նախարարության հաղորդագրության մեջ։