Առաջիկա ամիսներին Հայաստանի Կենտրոնական բանկը, ամենայն հավանականությամբ, չի փոխի վերաֆինանսավորման տոկոսադրույքը՝ հաշվի առնելով ձեւավորված ցածր գնաճային միջավայրը ընդլայնվող դրամավարկային քաղաքականության պահպանմամբ: Այս մասին դեկտեմբերի 18-ին լրագրողների հետ հանդիպման ժամանակ հայտարարեց Կենտրոնական բանկի խորհրդի անդամ Արթուր Ստեփանյանը`պատասխանելով NEWS.am-ի հարցին:
«Բայց հետագա իրադարձությունները լույս կսփռեն մեր ապագա գործունեության վրա, որը վերաբերում է հաջորդ տարվա կեսին: Եվ այս առումով ես կարծում եմ, որ մենք շարունակելու ենք հետեւել ընդլայնվող դրամավարկային քաղաքականությանը», - ասաց ԿԲ խորհրդի անդամը:
Հիշեցնենք, որ 2018 թվականի փետրվարից Կենտրոնական բանկը չէր փոխել վերաֆինանսավորման տոկոսադրույքը՝ այն պահպանելով 6 տոկոսի սահմանում:
