Փոքր քաղաքացիական ավիացիայի ոլորտին վերաբերող հարցերում շատ կարեւոր է, որ որոշումները կայացնի հայկական կողմը՝ ի դեմս Կառավարության: Դեկտեմբերի 18-ին Հայաստանում Ռուսաստանի արտակարգ եւ լիազոր դեսպանի հետ համատեղ մամուլի ասուլիսում ասաց Հայաստանում ՌԴ առեւտրային ներկայացուցիչ Անդրեյ Բաբկոն:
Նրա խոսքով, ժամանակին Հայաստանի նախկին վարչապետ Կարեն Կարապետյանն ասում էր հանրապետության տարածքում Փոքր քաղաքացիական ավիացիայի ստեղծման հնարավորությունների եւ հեռանկարների մասին եւ հատուկ այդ նպատակով երկիր էր հրավիրում հենց ռուսական ընկերությանը:
«Ինչպես ինձ հուշեցին մասնագետները, շատ կարեւոր է, որ հայկական կողմը որոշում ընդունի: Հենց որ որոշումն ընդունվի, մենք կկարողանանք այստեղ ռուսական ընկերությունների հրավիրել, որպեսզի նրանք վստահ լինեն, որ իրենց նախագիծը փոխհատուցվելի եւ շահավետ կլինի», - բացատրեց Բաբկոն:
Նրա կարծիքով, նման հնարավորություններ ունի մասնավորապես Գյումրիի Շիրակ օդանավակայանը, որը կարող է Ռուսաստանից չարթերային թռիչքներ ընդունել: