Երեւանի բյուջեի շռայլ հոդվածների վերաբերյալ ավագանու «Լույս» խմբակցության հրապարակմանը արձագանքել էր «Իմ քայլը» դաշինքի ավագանու թեկնածու, դաշինքի ընտրացուցակով ընտրված պատգամավոր Գայանե Աբրահամյանը՝ նշելով, որ «Լույսը» տվյալներ է խեղաթյուրում: Երևանի ավագանու «Լույս» խմբակցության ղեկավար Դավիթ Խաժակյանը ֆեյսբուքյան իր էջում պատասխանել է․

«Տիկին Գայանե Աբրահամյան, ես գնահատում եմ ձեր ակտիվ գործունեությունը որպես ավագանու անդամ, բայց եթե չեք կարողանում բյուջետային հին և նոր ծախսային հոդվածները համեմատել ձեզ թույլ մի տվեք ասելու, թե «Լույսը» տվյալ է խեղաթյուրում (ձեր այդ հարցազրույցը ստորև )։»

Խաժակյանը հրապարակել է բյուջեի նախորդ եւ առաջարկվող հոդվածներից պատկերներ՝ պնդելով, որ 2018-ի համեմատ հետընթաց կա․

«Առաջին նկարում պատկերված է նոր ծախսային հոդվածը՝ ձեր հնչեցրած թվով՝ 6 մլրդ 989 մլն դրամ։ Երկրորդ նկարում պատկերված է նախորդ տարվա նույն հոդվածի գինը՝ 8մլրդ։ Համոզվելը շատ հեշտ է՝ նայեք հոդվածի կոդը՝ 2600։ Տարբերությունը կարող եք տեսնել ի օգուտ ում է։ Իսկ մեր հնչեցրած թվերի համեմատականը այլ դասերին չպատկանող ծախսերին է վերաբերում, որտեղ ևս հետընթաց ունենք»։