Պեկինին մերձակա Հեբեյ նահանգի Լանֆան քաղաքի իշխանություններն արգելել են Սուրբ Ծննդյան տոնին վերաբերող ցանկացած ձեւավորում, ինչպես նաեւ տոնին նվիրված միջոցառումների անցկացումը: Այս մասին գրում է South China Morning Post-ը՝ վկայակոչելով տեղական իշխանությունների որոշումը:
Որոշման մեջ նշվում է, որ իրավապահ մարմինները պետք է ուժեղացնեն հսկողությունը, որպեսզի կանխեն Սուրբ Ծննդյան ծառերի, Ձմեռ Պապի տեսքով կերպարների, ինչպես նաեւ Սուրբ Ծննդյան այլ ատրիբուտների ցուցադրումը:
«Հեռացնե'լ շենքերի պատուհաններին փակցված բոլոր Սուրբ Ծննդյան նկարները, վահանակները, լուսային գովազդը եւ այլ քարոզչական գործիքները», - ասվում է որոշման մեջ:
Բացի այդ, տեղական իշխանությունները արգելել են փողոցային ներկայացումները եւ այլ «քարոզչական գործողությունները»: Նրանց կարծիքով, Սուրբ Ծնունդը եւ դրա հետ կապված ակտիվությունը կրոն են «քարոզում», հաղորդում է «Գազետա»-ն: