Էստոնիայի դատախազությունը ձերբակալել է 10 մարդու, որոնք կասկածվում են Danske Bank-ի էստոնակլան մասնաճյուղի միջոցով միլիարդավոր դոլարների լվացման մեջ:
Delfi-ն հաղորդում է, որ չորեքշաբթի Դանիայի իշխանությունները Danske Bank-ին էստոնական մասնաճյուղում երկար տարիների խախտումների հետ կապված փողերի լվացման դեմ պայքարի օրենքի 4 կետերով մեղադրանք են առաջադրել:
Danske Bank-ի հաղորդագրությունում ասվում է, որ Դանիայի տնտեսական եւ միջազգային առանձնապես ծանր հանցագործությունների հարցով պետական դատախազը ֆինանսական կազմակերպությանը մեղադրել էր այս տարվա օգոստոսին սկսված հետաքննության արդյունքներով:
Մեղադրանքները վերաբերում են 2007 թ. փետրվարի 1-ից մինչեւ 2016 թ. հունվարի վերջին: Կասկածանքի տակ են հայտնվել այդ ժամանակահատվածում Էստոնիայում Danske Bank-ի բաժանմունքի ռեզիդենտների 200 միլիարդ եվրո արժեքով գրեթե բոլոր գործարքները:
Danske Bank-ի դեմ քննություններ են անցկացնում նաեւ ԵՄ-ի եւ ԱՄՆ-ի կարգավորիչները: Բանկի էստոնական բաժանմունքի միջոցով փողերի լվացման մասշտաբները աշխարհում ամենախոշորների թվում են:
Danske Bank-ը Հյուսիսային Եվրոպայում առաջատար բանկերից մեկն է, Դանիայի խոշորագույն կոմերցիոն բանկը: Գլխավոր գրասենյակը գտնվում է Կոպենհագենում: Danske Bank Group-ի մասնաճյուղերը բանկային գործունեություն են իրականացնում աշխարհի 14 երկրներում: