Հնդիկ լրագրողը մեկ տարվա ազատազրկման է դատապարտվել՝ վարչապետ Նարենդր Մոդիին Facebook-ում քննադատելու համար՝ տեղեկացնում է AFP-ն։
39-ամյա հեռուստալրագրողը մեղադրվում է այն բանի համար, որ սոցցանցերում տեղադրել է «սադրիչ» տեսանյութ, որում Մոդիին եւ նախարար Բիրեն Սինգհին մեղադրել է տարածաշրջանում աջ հնդուիզմի գաղափարախոսությունն առաջ տանելու մեջ։
Իշխանությունները հայտարարել են, որ լրագրողը ձերբակալվել է, որպեսզի կանխվեն «պետության անվտանգությանը վնաս հասցնող գործողությունները»։
Առնվազն տասը մարդ է այս տարի ձերբակալվել սոցցանցերում Մոդիի դեմ նման հրապարակումների համար։
Հուլիսին «Լրագրողներ առանց սահմանների» կազմակերպությունը ահազանգել էր Հնդկաստանում մամուլի ազատության սահմանափակման եւ Մոդիի կառավարությանը քննադատողների հետապնդումների մասին։