ՀԱՊԿ շրջանակներում Հայաստանի բոլոր գործողություններն ուղղված են կազմակերպության արդյունավետության բարձրացմանը: Դեկտեմբերի 20-ին ճեպազրույցում այս մասին հայտարարեց Հայաստանի արտգործնախարարության մամուլի քարտուղար Աննա Նաղդալյանը:
Պատասխանելով հարցին այն մասին, թե նախօրեին հայտնի դարձավ, որ Ղրղզստանը կաջակցի Բելառուսի թեկնածությանը, Նաղդալյանն ասաց, որ վերջնական որոշում դեռ չկա, հետեւաբար, անհնար է առանձին անձանց վերաբերյալ կարծիք հայտնել:
Ինչ վերաբերում է ՀԱՊԿ գլխավոր քարտուղարի պաշտոնում հավանական թեկնածու, Բելառուի Անվտանգության քարտուղար Ստանիսլավ Զասի այցին Երեւան, ապա ԱԳՆ-ն հայտնեց, որ այս պահին նման այց չի նախատեսվում: