Հայաստանի իշխանությունները սկսել են լսել ռազմարդյունաբերական համալիրի զարգացման վերաբերյալ առաջարկությունները։ Այս մասին լրագրողների հետ դեկտեմբերի 20–ին լրագրողների հետ հանդիպման ժամանակ ասել է Ինֆորմացիոն տեխնոլոգիաների ձեռնարկությունների միության (UITE) գործադիր տնօրեն Կարեն Վարդանյանը։
Ըստ նրա՝ այս մասին է վկայում Պաշտպանության նախարարության Ռազմարդյունաբերության պետական կոմիտեի բաժնի նախաձեռնությունը։
«Միության հայտարարած մոբիլիզացիայի շրջանակներում ստեղծված ձեռնարկությունները կատարում են պաշտպանության նախարարության պատվերները, օրինակ՝ Linux օպերացիոն համակարգի ներդրման ուղղությամբ։ Պայմանավորվածություններ են ձեռք բերվել նաեւ Ազգային անվտանգության ծառայության, քաղաքապետարանի հետ»,– ասել է Վարդանյանը։
Նա նաեւ նշել է, որ առհասարակ 2018–ը բեկումնային էր իրենց միության համար, քանի որ բոլոր ծրագրերով առաջընթաց է նկատվել։ Մասնավորապես, ինժեներական «Արմատ» լաբորատորիաների թվաքանակը 2018թ. վերջին կարող է գերազանցել 250–ը, իսկ այդ լաբորատորիաներում ուսանողների թիվը կհասնի 5300–ի։
Առաջին անգամ «Իրական դպրոց» նախագիծը դուրս է եկել Երեւանի սահմաններից 2018թ., այդպիսի դպրոցներ են հիմնվել Գյումրի եւ Վանաձոր քաղաքներում, իսկ հաջորդ տարի հնարավոր է՝ բացվեն Հայաստանի եւս երկու քաղաքներում։ Իրական դպրոցները գործում են ձեռնարկություններին կից։ Դրանցում 15-18 տարեկան երեխաները միջնակարգ–պրոֆեսիոնալ կրթություն են ստանում, պրակտիկա անցնում, իսկ հետո աշխատանք ստանում այդ նույն ձեռնարկություններում։