Եվրամիությունը վեց ամսով պաշտոնապես երկարաձգել է Ռուսաստանի դեմ պատժամիջոցները, որոնց գործողության ժամկետը լրանում է 2019թ․ հունվարի 31-ին։ Այս մասին հայտնել է ԵՄ խորհրդի մամուլի ծառայությունը։

Խորհրդի հայտարարության մեջ ասվում է, թե որոշումը կապված է այն բանի հետ, որ «մինսկյան համաձայնագրերի իրականացման որեւէ առաջընթաց չկա»։

Սահմանափակման միջոցների երկարաձգման քաղաքական որոշումն ընդունվել է դեկտեմբերի 13-ի գագաթաժողովում՝ Եվրամիության երկրների եւ կառավարությունների ղեկավարների կողմից։ Այն հիմնված է եղել «մինսկյան համաձայնագրերի կատարման առաջընթացի մասին» ԳԴՀ կանցլեր Անգելա Մերկելի եւ Ֆրանսիայի նախագահ Էմանուել Մակրոնի կարճ զեկույցի վրա։ Այս զեկույցների առանձնահատկությունն այն է, որ որպես համաձայնագրերի կատարման պատասխանատու դիտարկվում է միայն Ռուսաստանը, իսկ Կիեւի կողմից իր պարտականությունների սաբոտաժը ԵՄ-ն անտեսում է։

Ռուսաստանի դեմ տնտեսական պատժամիջոցները սկսվել են 2014թ․ հուլիսի 31-ից, եւ մինչ այժմ կես տարին մեկ երկարաձգվում են՝ մինսկյան համաձայնագրերը չկատարելու հիմնավորումով։