Հունաստանի վարչապետ Ալեքսիս Ցիպրասը եւ նրա բուլղարացի պաշտոնակից Բոյկո Բորիսովը Եվրամիությանը կոչ են արել հստակեցնել ներգաղթյալների հանդեպ քաղաքականությունը եւ նրանց ապաստան տրամադրելու կանոնները՝ հույս ունենալով, որ 2019-ին ԵՄ-ը նախագահելու է Ռումինիան, տեղեկացնում է ՌԻԱ «Նովոստի»-ն։
Ռումինիան 2019թ. հունվարին առաջին անգամ նախագահելու է ԵՄ-ում՝ փոխարինելով Ավստրիային։ Շաբաթ օրը Սերբիայի մայրաքաղաքում կայացել է Ռումինիայի վարչապետ Վիորիկա Դենչիլեի, Հունաստանի վարչապետ Ալեքսիս Ցիպրասի, Բուլղարիայի վարչապետ Բոյկո Բորիսովի եւ Սերբիայի նախագահ Ալեքսանդր Վուչիչի քառակողմ հանդիպումը։ Միգրացիոն ճգնաժամը դարձել է նրանց խոսակցության կարեւորագույն թեմաներից մեկը։
«Մենք խոսեցինք Եվրամիությունում ապաստան տրամադրելու համակարգի մասին։ Ցավոք, ԵՄ-ում Ավստրիայի նախագահությունն այս հարցը ոչ մի քայլ առաջ չմղեց։ Ռումինիայի նախագահության օրոք մենք ճանապարհ կհարթենք հարցի լուծման համար, որովհետեւ էլ չենք կարող բախվել այնպիսի սկզբունքների, ինչպիսին է համերաշխությունը, ըստ որի՝ առաջին երկիրը, որն ընդունում է մարդկանց, իր վրա է կրում ամբողջ բեռնվածությունը»,- ասել է Հունաստանի վարչապետ Ցիպրասը մամուլի ամփոփիչ ասուլիսում։
«Մենք պետք է հավատարիմ մնանք համերաշխության սկզբունքին, բայց եւ նրանց, ովքեր ապաստան են խնդրում, բաժանենք միմյանց միջեւ»,- նշել է Հունաստանի կառավարության ղեկավարը։
