Ինդոնեզիայում Զոնդի նեղուցում առաջացած ցունամիի զոհերի թիվը հասել է մինչեւ 281-ի, հայտնում է Straits Times-ը:
Ավելի վաղ հաղորդվում էր 222 զոհի, 843 տուժածի եւ 28 անհայտ կորածի մասին:
Պարբերականի տեղեկություններով՝ տուժածների թիվը հասել է մինչեւ 1016-ի, 57 մարդ համարվում է անհայտ կորած: Ավերվել են հարյուրավոր տներ ու շենքեր:
Երկրի իշխանությունները հայտարարել են, որ ցունամին կարող էր առաջացնել ստորգետնյա սողանքը, որը սկսվել է Անակ-Կրակատաու հրաբխի ակտիվության պատճառով՝ համակցված լիալուսնով պայմանավորված մակընթացության բարձր ալիքի հետ: Ինդոնեզիան առայժմ չունի ցունամին վաղ կանխատեսելու համակարգ, որոնք առաջանում են ստորգետնյա սողանքների կամ ծովում հրաբուխների պատճառով:
