Ցմահ դատապարտյալ Վահագն Մարուքյանն այսօր՝ դեկտեմբերի 25-ին, ազատ է արձակվել դատարանի դահլիճից։ Այս տեղեկությունը NEWS.am–ի հետ զրույցում հաստատեցին ՀՀ ԱՆ քրեակատարողական վարչության հանրային կապերի ծառայությունից։
Դատարանը հաշվի է առնել դատապարտյալի ծանր առողջական վիճակը և պատժի կրման հետ անհամատեղելի հիվանդությունները:
Նշենք, որ Վանաձորի բնակիչ Վահագն Մարուքյանը կալանավորվել է 1993 թ.-ին՝ 19 տարեկանում: Նա մեղավոր է ճանաչվել Վանաձորի Ռազմական ոստիկանության պետի դիտավորյալ, կանխամտածված սպանության մեջ: 1994 թ.-ին ՀՀ Գերագույն դատարանի դատավճռով նա դատապարտվել է մահապատժի (2003թ.-ից ՀՀ նախագահի հրամանագրով մահապատիժը փոխարինվել է ցմահ ազատազրկմամբ):