Չարամիտների խումբը սուրբծննդյան գիշերը թալանել է Փարիզում ամենահին հրուշակեղենի խանութը, հաղորդում է РИА Новости-ն` վկայակոչելով France Bleu ռադիոկայանին:
A la Mere de Famille քաղցրավենիքների խանութը հիմնադրվել է 1761 թվականին: Այն գտնվում է Փարիզի XVII թաղամասում՝ Faubourg-Montmartre փողոցի վրա: Այստեղ, դեկտեմբերի 25-ին, ժամը առավոտյան 4-ի մոտ ոստիկանները ձերբակալել են երեք տղամարդու, որոնց վարքագիծը կասկածելի է թվացել նրանց:
Տարածքը ստուգելիս հայտնաբերվել է ձերբակալվածների ավտոմեքենան, որոնց համարանիշերը կնքված են եղել սեւ ժապավենով: Ավտոմեքենայում թաքցված է եղել գողացված մի քանի կիլոգրամ շոկոլադը եւ հաստատության դրամարկղի պարունակությունը:
Որքան գումար է գողացվել խանութից, չի հաղորդվում: France Bleu-ի խոսքերով, խոսքը կարող է մի պատկառելի գումարի մասին լինել՝ հաշվի առնելով նախածննդյան օրերին քաղցրեղենի բուռն վաճառքը: