Եվրոպայի խորհրդի մարդու իրավունքների հարցերով հանձնակատար Դունյա Միյատովիչը այսօր Ադրբեջանի ԱԳ փոխնախարար Մահմուդ Մամեդգուլիեւի հետ հեռախոսով քննարկել է Մեհման Հուսեյնովի գործը, հաղորդում է «Թուրան» գործակալությունը։
«Ես փոխնախարարին ասացի, որ իշխանությունները պետք է հանեն դեկտեմբերի 26–ին պարոն Հուսեյնովի դեմ ներկայացված մեղադրանքները, քանի որ դրանք վստահելի չեն։ Ես նաեւ ընդգծեցի, որ իշխանությունները պարտավոր են պարոն Հուսեյնովին անհրաժեշտ բժշկական օգնություն ցուցաբերել, ում վիճակը մեծ անհանգստություն է առաջացնում։
Այդ պատճառով նրան պետք է քաղաքացիական հիվանդանոց տեղափոխել, որտեղ նա կարող է անհրաժեշտ բժշկական օգնություն ստանալ։
Ես հուսով եմ, որ Ադրբեջանի իշխանությունները կկատարեն մարդու իրավունքների ոլոտում իրենց պարտավորությունները։
Ես անհամբերությամբ սպասում եմ Մեհման Հուսեյնովի գործում առաջընթացին եւ առաջիկա ամիսներին իշխանությունների եւ քաղաքացիական հասարակության հետ կառուցողական երկխոսության շարունակությանը», — ասվում է հանձնակատարի հայտարարությունում։
