Բունդեսթագի պատգամավոր եւ Բրեմենում աջ պոպուլիստական «Այլընտրանք Գերմանիայի համար» կուսակցության բաժանմունքի վարչության նախագահ Ֆրանկ Մագնիցը անհայտ անձանց կողմից հարձակման է ենթարկվել։ Այս մասին հաղորդում են տեղական ոստիկանությունում, հաղորդում է DW–ն։
Վերջինիս տվյալներով՝ դեպքը տեղի է ունեցել օրվա երկրորդ կեսին Theater am Goetheplatz թատրոնի շենքի մոտ՝ Բրեմենի պատմական կենտրոնից քիչ հեռու։
«Այլընտրանք Գերմանիայի համար» կուսակցությունից պարզաբանել են, որ բոլոր երեքի դեմքերը դիմակներով են եղել։
Իրավապահ մարմիններում չեն բացառում, որ հարձակվողները քաղաքական դրդապատճառներով են գործել։
Հետաքննությունն իրականացնում են Բրեմենի պետկան ոստիկանական պահպանության ծառայության եւ դատախազության ներկայացուցիչները։
Ֆրանկ Մագնիցը ծանր վնասվածքներով հիվանդանոց է տեղափոխվել։
Ոստիկանությունում պարզաբնանել են, որ դեպքի ականատեսներին են փնտրում։
Ավելի վաղ՝ հունվարի 3–ին, Դյոբելնեում՝ կուսակցության մուտքի մոտ պայթյուն էր որոտացել։ Հանցագործության հետաքննությամբ զբաղվում է Սաքսոնիայի քրեական գործերի գերատեսչության ահաբեկչության եւ ծայրահեղականության դեմ պայքարի բաժինը։