Դնեպրոպետրովսկի մարզի բնակիչը վիճաբանության ժամանակ սպանել է Ռուսաստանի քաղաքացուն, նրան դանակի մոտ 60 հարված է հասցրել, երեքշաբթի հայտնել է Ուկրաինայի ոստիկանության մարզային վարչության մամուլի ծառայությունը:
«Սպանությունը տեղի է ունեցել հունվարի 5-ի լույս 6-ի գիշերը Կրիվոյ Ռոգի Տերնովյան շրջանում: Պարզվել է, որ հունվարի 5-ի երեկոյան կասկածյալը ոգելից է խմել հանգուցյալի հետ: Արդյունքում տղամարդկանց միջեւ վեճ է սկսվել, որի ընթացքում 40-ամյա տղամարդը իր ընդդիմախոսին դանակի մոտ 60 հարված է հասցրել վերջույթների եւ իրանի շրջանում»,- նշված է հաղորդագրության մեջ:
Ոստիկանության տեղեկություններով՝ կասկածյալը նախկինում դատված տեղացի է, իսկ մահացածը Ռուսաստանի քաղաքացի էր:
Ոստիկանները կասկածյալին ձերբակալել են, հարուցվել է քրեական գործ դիտավորյալ սպանության հոդվածով, քննությունը շարունակվում է:
