News
Լրահոս
News
Շաբաթ
Դեկտեմբեր 10
USD
395.53
EUR
393.43
RUB
6.42
Տեսնել լրահոսը

Տոկիոյի շրջանային դատարանը չորեքշաբթի մերժել է Renault - Nissan - Mitsubishi ֆրանս-ճապոնական ավտոմեքենաշինական դաշինքի նախկին ղեկավար Կառլոս Գոնի փաստաբանների միջնորդությունը նրան գրավով ազատելու մասին, հայտնում է Kyodo-ն:

Այսպիսով, Գոնը մինչեւ հունվարի 11-ը դեռեւս կալանավորված կմնա: Փաստաբանների կարծիքով՝ այդ ժամանակ կարելի է սպասել ճապոնական ֆինանսական օրենսդրության խախտման նոր մեղադրանքներ:

Նախօրեին դաշինքի նախկին ղեկավարը նոյեմբերի 19-ին կալանավորվելու պահից սկսած առաջին անգամ դատարանում էր հայտնվել՝ իր երկարատեւ կալանավորման պատճառների մասին անձամբ լսելու համար: Նա դատարանում իրեն Տոկիոյի դատախազության առաջադրած մեղադրանքները կեղծ էր որակել, իսկ իր կալանավորումը՝ անարդարացի: Դատարանն, իր հերթին, Գոնի երկարատեւ բանտարկությունը պատճառաբանել էր վտանգով, որ նա արտասահման կփախչի, որտեղ անշարժ գույք ունի:

Գոնը եւ Nissan-ի տնօրենների խորհրդի նախկին անդամ Գրեգ Քելլին կալանավորվել էին նոյեմբերի 19-ին՝ ճապոնական ֆինանսական օրենսդրության խախտման կասկածանքով եւ տեղափոխվել Տոկիոյի բանտ: Խոսքն այն մասին է, որ Գոնը Քելիի աջակցությամբ կարող էր թաքցնել 2010-2015 թվականներին որպես Nissan-ի տնօրենների խորհիդի նախագահ իր պարգեւատրումների իրական չափերը: Քննության տվյալներով՝ հայտարարագրվել է նրան հատկացված գումարի միայն կեսը՝ գրեթե 10 մլրդ իեն (մոտ 89 մլն դոլար): Այս գործով նրան արդեն մեղադրանք է առաջադրվել:

Դեկտեմբերի 10-ին նրանք կրկնակի կալանավորվել էին Գոնին 2015-2017 թվականներին հատկացված 4,2 մլրդ իեն (37 մլն դոլար) պարգեւավճարը եւս թաքցնելու նոր կասկածանքով: Սակայն դեկտեմբերի 25-ին Քելլին 70 մլն իեն (մոտ 636 հազար դոլար) գրավով ազատվել էր:

Այնուհետեւ Գոնի կալանքի ժամկետը կրկին երկարացվել էր՝ կապված նոր կասկածների հետ: 2008 թվականի ֆինանսական ճգնաժամի բարձրակետին նա փորձել էր ազատվել 1,85 մլրդ իեն (16,7 մլն դոլար) գումարի վնասներից, որը ընկերությունը կրել էր նրա անձնական ակտիվների կառավարման պատճառով, որոնք վերագրվել էին Nissan-ին: Գոնի խոսքով՝ կորպորացիայի ղեկավարությունը այս գործարքին տեղյակ էր, իսկ վնասները հետո կրկին փոխանցվել են Nissan-ի նախկին նախագահի ընկերության հաշվեկշռին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մոնղոլիայի կառավարությունը կգաղտնազերծի «ածխային գործի» պայմանագրերի մի մասը
Մոնղոլիայի կառավարության գործերի կառավարիչ Դաշեգվին Ամարբայասգալանը հայտարարել է, որ ․․․
ՔԿ-ի պարզաբանումը՝ Ֆրանսիայի քաղաքացի Էդուարդ Վանեսքեհյանի քրեական վարույթի վերաբերյալ. նա մանրամասներ է հայտնել
Հաշվի առնելով, որ մամուլում և սոցիալական ցանցերում ակտիվորեն միակողմանի տեղեկատվություն է տարածվում է․Վանեսքեհյանի վերաբերյալ քրեական...
Սնանկության դատարանի պարզաբանումը՝ «Դավինչի» տուրիստական ընկերության գույքը վաճառելու որոշման մասին
Հորդորում ենք ձեռնպահ մնալ դատական իշխանության կայացրած ակտերի…
Ռանչպար գյուղի ջրատարում դի է հայտնաբերվել
Փրկարարները դին դուրս են բերել ջրատարից...
Գերմանիայում խռովության կազմակերպման մեջ կասկածվող 23 մարդու, այդ թվում՝ ռուսաստանցի կնոջ ձերբակալման օրդեր են տվել
Իտալիայում եւ Ավստրիայում պետական հեղաշրջման նախապատրաստման գործի շրջանակում ձերբակալված․․․
Պեմզաշենում դաժանաբար սպանված ընտանիքի հայրը կացնով գնացել է Վրույր Բարսեղյանի տուն. նրա գործողությունները կանխվել են
Անձը կանգնեցրել է մեքենան տան մոտ, կացնով վազել ու փորձել է բացել մուտքի դուռը…
Ամենաշատ