Թրամփի ավագ որդին միգրանտներին համեմատել է վտանգավոր կենդանիների հետ՝ հայտնում է AFP-ն։
«Գիտե՞ք, թե ինչու դուք կարող եք օրը գազանանոցում անցկացնել։ Որովհետեւ պատերն աշխատում են»,- Instagram-ի իր էջում գրել է Թրամփ-կրտսերը։
ԱՄՆ նախագահի որդու գրառումը քննադադությունների ալիք է բարձրացրել սոցցանցերում։ Ավելի վաղ նա նույնպես հայտնվել էր աղմուկի կենտրոնում, երբ սիրիացի փախստականներին համեմատել էր Skittles կոնֆետներով լի ամանի հետ։ «Գազանանոցում միակ կենդանին կրտսեր Թրամփն է»,- գրել է օգտատերերից մեկը։
Նախագահ Թրամփը փորձում է հասնել նրան, որ Կոնգրեսը միջոցներ տրամադրի Մեքսիկայի հետ սահմանին պատի կառուցման համար։