Մեքսիկական իշխանությունները ԱՄՆ-ի սահմանին գտնվող Նուեւո Լարեդո քաղաքից ոչ շատ հեռու 20 դիակ են հայտնաբերել։ Reuters-ը հայտնում է, որ մարմիններից 17-ն այրված են եղել։
Դիակների կողքին հինգ այրված ավտոմեքենաներ են հայտնաբերվել նաեւ Միգել Ալեման քաղաքում, որը Տամաուլիպաս նահանգում է։
Տամաուլիպասը Մեքսիկայի ամենադաժան նահանգներից է։ Այստեղ գործում են մի քանի հանցախմբեր, որոնք պայքարում են թմրամիջոցների շրջանառությունը, շորթումը եւ միգրանտների շահագործումը վերահսկելու համար։