6-րդ գումարման ԱԺ փոխնախագահ Միքայել Մելքումյանը կարծում է, որ նախորդ խորհրդարանի համեմատ ավելի մեծ թվով կանանց ներկայացվածությունը միայն օգնելու է իր օրինաստեղծ գործունեությանը։ Այս մասին նա այսօր՝ հունվարի 10-ին, նա ասաց NEWS.am-ի հետ զրույցում։
«Կանայք հավասարակշռող ուժ են եւ ինչքան կանայք լինեն, այնքան նոր լիցք կհաղորդվի։ Տեսնո՞ւմ եք՝ ինչպիսի հրաշալի կանայք են, արդեն փորձառու»,– նշեց նա։
Նշենք, որ նորընտիր Ազգային ժողովում 32 կին պատգամավոր կլինի, իսկ նախորդ գումարման խորհրդարանում նրանք 18-ն էին։
Հավելենք նաեւ,, որ նորընտիր Ազգային Ժողովի առաջին նիստը կկայանա 2019 թվականի հունվարի 14-ին` ժամը 10:00-ին։ Նոր խորհրդարանում աշխատելու է 132 պատգամավոր, որից 88-ը` «Իմ քայլը» դաշինքից` ներառյալ ազգային փոքրամասնությունների 4 ներկայացուցիչները։ «Բարգավաճ Հայաստան» կուսակցությունն օրենսդիրում կունենա 26 պատգամավոր, իսկ 3-րդ ուժը կինի «Լուսավոր Հայաստան» կուսակցությունը՝ 18 պատգամավորով:
