Բրազիլիայի եւ Արգենտինայի նախագահներ Ժաիր Բոլսոնարոն եւ Մաուրիսիո Մակրին պայմանավորվել են դիմակայել «Վենեսուելայի ավտորիտար կառավարությանը»։ Մակրին Վենեսուելայի նախագահին «բռնակալ» է անվանել՝ տեղեկացնում է Reuters-ը։
«Վենեսուելայի հարցում Արգենտինայի հետ մեր համագործակցությունը դիրքորոշումների եւ ընդհանուր նպատակների ամենավառ արտահայտությունն է»,- ասել է Բոլսոնարոն։
Հունվարի 1-ին պաշտոնը ստանձնելուց հետո Բոլսոնարոն Վենեսուելայի հանդեպ ավելի կոշտ դիրքորոշում է դրսեւորում եւ ավելի է մտերմացել Միացյալ Նահանգների հետ, քան Բրազիլիայի նախկին կառավարությունները։
